Cu lu sbiluppu dâ tecnuluggìa micruelittrònica ntô XX sèculu, li dispusitivi ‘n miniatura addivintaru sempri cchiù cumuni, mittennu richiesti auti a li alimentazzioni. Li batterii a litiu poi traseru nta na fasi di applicazzioni pràtichi ncapu a larga scala.
La prima applicazzioni fu chiḍḍa dî batteri primari a ioni di litiu-, usati nne pacemaker. A causa dû so tassu di autuscarica assai vasciu e dû so vurtaggiu di scarica assai graduali, li batterii a ioni di litiu rinnìru pussìbbili mpiantazzioni a longu tèrmini di pacemaker.
Li batterii a litiu -manganisu giniralmenti ànnu na tinzioni numinali cchiù auta di 3,0 volt, e accussì su' cchiù adatti comu alimintatura a circuiti ntigrati e usati assai nne computer, carculatrici e urloggi.
Li batterii a ioni di litiu su' assai usati nne tilèfuni mubbili, laptop, strumenti elèttrici, màchini elèttrici, alimintatura di riserva pî lampiuna, luci di navigazzioni e elettrodomestici nichi, rapprisentannu prubbabbirmenti lu gruppu di applicazzioni cchiù granni.
